نِحْنا خْلِقنا لِلحياه   __  ما خْلِقنا لِلمعارك 

الحياه أعطانا الله  __ ما بَدّو إنَا نْعارِك 

بِدنا نعيش بسعادِه __  ما فيها هَمُّ ولا غَم

ما مْنُطلُب السِّيادِه __ ولا بِدنا نِشربِ السَّم 

بِدنا الأفراح زْيادِه __  لا فيها قَتْلُ ولا دَم 

خَلِّ عِنـدَك إرادِه  __  لِلقَتلِ إوْعَ تْشـارِك

إبْعِد عَن جَليسِ السّوء__لا تِتْمَثَّل بِاوْصـافُه

ما عِندُه أخلاق وذوق__ولاعِندُه شيء يْخافُه

لَمّا بيِغضَب ما بيروق__والشَّتْمِ على شْفـافُه

وِنْهارُه ما فِيّو شْروق__ بيفَكِّر كيف يعارِك 

مين سَمح تُقتُل خَيَّك__اللـه خـالِقْـهُ الوَحـيـد 

هُوِّ ال  خَلَقـْهُ زَيَّـك__ ما لَك سُلطَه بِالتأكيد 

رَبَّـك بَـيّـو وِبَـيـَّك  __ بيـحِـبـُّه زَيَّـك أكـيـد

إتْصالَح إنتَ وخَيَّك__ تَالرَّبِّ إيـدو تْـبـارِك