في الحرِّ مالَك أعصاب --- تِتْـحَمَّـلِ المـشـاكـل

روحَـك مِثـلِ المَطفِـيّـِه --- بكِلمِه بِتـقـوم تْقـاتــل

في الحَرِّ بيزيد العُنـف --- ما بيِبقى عِندَك صبور

عَن صُراخَك ما بِتكُفّ --- بِتحِسّ بقَلبَك مَعصـور

بتِحمِـلِ الشَّـرّ وبِتْـلِـفّ --- بتِنطَح غيرَك مِثلِ الثّور

بْتِجمَد عينَك ما بِتْـرِفّ --- وِبْـتِـعــمـلِ العَــمـايِــل

ونَفسَك زَيِّ المَقـتـولِه ---  ما بْـتِـعـرِفِ الـهَـداوي

وأعمالَك مِش مَقبـولِه ---  بَـدَّك طـبــيـب يْــداوي

بْأفـكـارَكِ المَشـلـولِـه --- ما بتِـقـدر شيء تْسـاوي

وبِالنَّفـسِـيِّه المَغـلـولِـه --- بتـِبـقى شَــرّاني وقـاتِـل