ابرز ما جاء في الرسالة:

انا مقتنعه بالشب وحابه اكمل معوو بس خايفه كتير من هالخطوه

هل التعليم بعد الزواج ممكن ورح اضل بهاد الحماس الي انا فيي اسا

هو مع التعليم ومنيح ومنفتح وملتزم بنفس الوقت بس خايفه الجيزه لانها بصراحه مكنتش ببالي ومكنتش على قائمه احلامي شيلي

وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

السلام عليكم انا فتاه عمري ١٨ سنه من الشمال والحمدلله مش ناقصني اشي وعلى قدر من الجمال المشكله هي اني مش عارفه اخد قرار مش عارفه افكر والموضوع هو بالزواج قبل فتره صغيري اجا واحد طلبني من اهلي زي كل البنات بهاد الجيل الي ممكن يصير في هيك اشي المهم انا متفوقه كتيير وناويه اتعلم لانو بالنسبه الي التعليم كل اشي بس بنفس الوقت انا مقتنعه بالشب وحابه اكمل معوو بس خايفه كتير من هالخطوه يعني يمكن مشكلتي هاي تشوفوها مش مشكله اصلا وتعتبروها تافهه بس عنجد انا مش عارفه شو اعمل خايفه.
 

صورة توضيحية

مع انو هو مع التعليم ومنيح ومنفتح وملتزم بنفس الوقت بس خايفه الجيزه لانها بصراحه مكنتش ببالي ومكنتش على قائمه احلامي شيلي وخايفه كمان انها تؤثر على حلم حياتي وعنجد ازا بتعلمش ممكن انتحر انا بحاجه لمساعده والي هيي كيف افكر كيف اخطي الخطوه الجاي هل التعليم بعد الزواج ممكن ورح اضل بهاد الحماس الي انا فيي اسا ومع العلم انو عمرو ٢٨ يعني اكبر مني ب١٠ سنين وانا حاسه انو هو مناسب وهو اكيد مش رح يقدر يستناني اكتر من سنتين وانا قبل سنتين مش رح ابلش تعليم لانو الموضوع الي حاببتو بتعلموهوش قبل ٢٠ لانو في حد للسن بالجامعات لهالموضوع عنجد يا ريت تساعدوني وتنصحوني وتقولولي عالطريق انا عارفه حالي شو بدي وواعيه كتير بس مرات بحياه الانسان بدو حدا يقولو من وين يبلش وهو بكمل الطريق وشكرا لكم.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il