(عبر أثير إذاعتكم)
السلام عليكم.......
معكم أبو محمد من طول كرم......
ومحمد يا ولدي ....ما بنعرف عنه غير الصورة والإسم....
محمد خرج للصلاة فجر الأحد......
فصرنا نعد بغيابه..الأحد بعد الأحد.....
قال الجيران إنه خرج بكل عز ونهم.....
طلع قَبَّل الباب والجدران ....وإنطلق مثل السهم...
محمد يا ناس بالكاد إحتلم
والليله بثوب أخضر مع الحواري...زارني محمد بالحلم....
وعبر أثير إذاعتكم يلي إتسمت بالكرم....
ومن خلالها سمعت إنه محمد عبد الرحمن كان بجيش العدو لُغم...
أحيي إبني الشهيد وكل شهيد ....نجمه عالعلم....
وعهيك ولاد....عيب التأثر والندم.....
...
وبستغل الفرصه عالهوا......وببعث تحيه لإبني الاسير البطل ....كرم
وبحكيلو أصمد يا إبني ..وخلي سلاحك بالأسر القلم...
لإنه عمرها ما كانت الكلمه خطيه أو جرم....
أكتب على الجدران...حكايا وقصص ...إهجي وحدث عن ليالي وإيام كلها عتم...
سجانك يا إبني خايف لإنك العملاق إنت وهو بيضلو القزم....
رح يطلع نهار ....وعمرهُ ما دام ظلم...
منو حكم سجان هاد ....الرب حكم....
هني إلنا إبتلاء....ونحنا عبدانن سقم...
...
وإلك كمان تحيه من إمك وإخواتك ....معطره بالزعتر مكلله بالغار....
وبيوَصوك ما تترك كتابك ..كفي العلم...
ونحنا يا عمري كويسين الحمدالله ...حياتنا منا عدم..
عم نبذل ونهدي ارواح لدعم القضيه ...ونصرة الوطن.
يمكن يِكون البيت ...بكل برود إنهدم....
بس رايتنا مرفوعه....وعزيمتنا كبيره.....
رح نتحمل ونصبر....رغم القسى رغم الألم
لإنو يا إبني...
عهيك كان العهد...وكان القَسَم.....

بسيل قلم: ليلى جمعه