أبرز ما جاء في الرسالة:

انا شب خاطب من اربعة أشهر بحب خطيبتي حتى الموت

انا وخطيبتي كنا في مطعم عزمتها على العشا في محل بجنن وكان الجو كتير رومانسي ومميز مع موسيقى هادية

بالمطعم كنا قاعدين قبال بعض بس لما بطل في ناس قمت اعدت حدها وحطيت ايدي على الكرسي عند ضهرها وبلشت اتغزل فيها

تأكدت انو بهديك اللحظة ما كان في حدا بالمرة وحاولت ابوسها بس دغري زاحت وغيرت الموضوع. انا انحرجت وانزعجت وبصراحة من يومها مش عم بحكي معها

وصلت الى موقع العرب رسالة من شاب يطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي:
الى زوار موقع العرب مرحبا.. انا شب خاطب من اربعة أشهر بحب خطيبتي على الموت وهي كمان. انا خجلان احكي مشكلتي بس بحاجة لاخد رايكم في الموضوع وخصوصي الصبايا لاني مش عارف كيف اتصرف.

 
صورة توضيحية

قبل اكم يوم كنت انا وخطيبتي في مطعم عزمتها على العشا في محل بجنن وكان الجو كتير رومانسي ومميز مع موسيقى هادية وأجواء روعة. بالمطعم كنا قاعدين قبال بعض بس لما بطل في ناس قمت اعدت حدها وحطيت ايدي على الكرسي عند ضهرها وبلشت اتغزل فيها. تأكدت انو بهديك اللحظة ما كان في حدا بالمرة وحاولت ابوسها بس دغري زاحت وغيلت الموضوع. انا كتيير انحرجت وانزعجت وبصراحة من يومها مش عم بحكي معها متل الخبق والعالم لاني بلشت اشك بحبها الي.
كمان فترة عرسنا وحتى بوسة مش عم تسمحلي مع اني انسان محترم وبدي اياها تكون مبسوطة. بدش اكتر من اني احس ملكت الدنيا معها بس بلشت اشك بحبها الي وخصوصي بسمع من اصحابي اللي هني الوم متجوزين انو بأيام الخطبة بكون في لمسات وقبل بين الخطاب. بطلت أعرف ازا هي رفضت هالشي كرمال عاداتنا وتقاليدنا او لإنها ما بتحبني. صرت أشك بحبها ومش عارف شو أعمل. ما تآخذوني ويا ريت ألاقي جوب لاني بموت فيها.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il