أبرز ما جاء في الرسالة:

قلتلو اذا حدى شافني من اهلي ما عاد يخلوني اطلع من البيت

انا بخاف كثير ولا استطيع ان احقق له ما يطلب ولكن كل يوم مشاكل

عنجد تعبت وعقلي مشوش مو عارفه افكر ومرات اقول يمكن انا الغلطانه

وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

مرحبا انا بنت عمري 17 سنه بعلاقه مع شاب يحبني واحبه واجه خطبني بس ما قرينا الفاتحه ولا ائشي يعني انا عحسابو لحد ما يكمل الدار وابي سمحلنا انو نقعد مع بعد بلدار عنا بس المشكله انو كل يوم يحكيلي انو مشتاقلي وحاب يظمني ويبوسني وانا كمان بشتاقلو وبحكيلو يجي عنا عل دار بس هو مو قابل بدو نشوف بعض بلسرقه تحت الدار بليل ويبوسني بس انا اكيد ما قبلت وفهمتو انو بخاف حدا يشوفناوهيك بدوس عكرامتي واذا حدى شافني من اهلي ما عاد يخلوني اطلع من البيت ويبطلو يثقو فيي وبيزعل مني ويقولي انتي ما بتحبيني ولا تشتاقيلي لو بتحبيني بتنسي الخوف و! يقولي كمان انو ما رح حدى يشوفنا بليل بس انا بخاف كثير وكل يوم على هلقصه ويعملها مشكله .

صورة توضيحية

انا زهقت واحنا كل كلامنا انو بدو يشوفني وانا بخاف حدا يشوفنا وكمان هاد أشي حرام وانا بصلي وما بدي اغضب ربي وبقلو لاء ما بقدر ويفهمن غلط ومرات ما بيصدقني وبيزعل وكل يوم على هل مشكله عنجد تعبت وعقلي مشوش مو عارفه افكر ومرات اقول يمكن انا الغلطانه انتو شو رايكو اذا احبو اعمل المستحيل وانسه الخوف من شأن ما يزعل ولا انا معي الحق بترجاكم تساعدوني بدون استهزاء وشكرا لمساعدتكم

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il