ما بِقبَل يا ظُروفي تُحكميني
وتِكسري جَناحي إذا كِبرَت سنيني
يَعني بَعد ما انشَلوّا جّريّ
ما بَدي قول يا دُنيا ارحَميني
أنا شَاعر بِفكرّي الحُب غيي
رَسمت الّحُب ع حيطان المدينة
شّوفيّها شَفاعمرو منِيّ عليّ
عَطيتا سنين من عُمري وحَنيني
مين اللي فيها اياديهن سخيي
ورَفعّوا مَجدها رَفعا مَتيني
غَير الشهيّد اللّي انقتل بالبندقيِّ
رصاص المُجرم بيوم السَكيّني

شَفاعمرو بالحَكي دَولة غَنيّة
حَكي مَعسول مَضموّنة ضَغينة
يا تِشرين اللّي جَاي بعنتريّ
كُل خَمس سنين أيَامك مُشيني
خَرَبّت قلوب هـ الناس الوَفّية
وشَعلت النار ببلادي الأميني
احترق ديني بنار الطائفية
اللي زَرّعَت بالحقد قَلب المَديني
اشتغلوا بعتمة الليل الخَفيّة
لـ حَتى يركبوا متن السفينة
شّو هَم البلد لو راحت ضَحيّة
المُهم يكون قَاعد ع الخَزينة
حلمهُ برئاستها، كأنها جمهورية
وكرسي تكون مرتاحه وحصيني
يا شهر المرحبا يا مسرحية
كل من فيك حاول يشتريني
نفس الحكي، خطاباتهن غبية
هرج ومرج، ودراما حزيني

آخ... يا جايني باسم الله أكبر
كنيسه وجامع وخلوه رصيني
انا أحمر، شعاري ما تغيير
باسم الدين ما بسوى تحاكيني
أنا مش برتقالي ولا اصفر مشفر
ولا على الاخضر معود يميني
ولا مع الخمسات كنت يوم اسهر
ولا الأزرق على الأبيض غيويني
شيوعي، وحزبي من التاريخ أكبر
ارجعوا شوفوا تواريخي وسنيني
بثورة العمال انا اللي كنت أخطر
من السكين على رقاب الرهينة
اكمن باص على المفرق اتكسر
وياما جنود بعثرهن يميني
ويوم الأرض، لما الأسد كشر
أبو الأمين، في الجلسة اللعينة
لو لا وجودي مين كان سطر
ليوم الأرض أمجادوا الثمينة

يا شهر المرحبا وجهك مغبر
انقلع من خلقتي صعب تغريني
مش كل ما اعتلى واحد ع منبر
بيبتدي التاريخ منو يا حزيني
زعيمك ع الجزيرة صار يظهر
من أموال النفط عبى الخزينة
"مرادك" لو تعرفي بشو مزنر
مسدسه مربوط ع الجنب اليمينِ
نحنا منعرفوا، والناس أخبر
بكل من قبض بالشكل الروتيني
شو بدنا بالحكي، خلي مستر
لـ حتى يوم تفضحكن حنيني

ولك آآآآخخخخ
نسيتوا شو عمل فينا هود خيبر
بطابو من التوراة كذبتهن لعينة
صارلهن دوله مع جيوش وعسكر
وشتتوا بالقهر شعبي الفلسطيني
انتبهوا للعِلّم، شوفوا العِلم طوّر
بلاد اللي كانت مرهونه وحزينة

أوف...
يا ناس
جبهة شعبنا هي الأقدر
على حمل الأماني وهي أمينة
وهيّ اللي الها مع الناس محور
أساسه كرامة شعبنا عالي الجبينِ
مش كل ما طلع واحد وزعبر
باسم الدين يهدر دم ديني
خلوا صوتكم يوم الوغى يزّأر
هدير يزلزل حدود السَّكيني
امشوا ع الدرب لو كان أخطر
تحدي، لمجرم وعاهر وأزعر
تـ نحفظ بالشرف شرف المدينة

شفاعمرو – تشرين اول 2013

موقع العرب يفسح المجال امام الكتاب لطرح أفكارهم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان:alarab@alarab.net