أبرز ما جاء في الرسالة:

 فش عندي صحاب  محداش بحكي معي  تلفوني برنش ولا حدا بتصلي

فتحت محل اكل ممتاز بمجمع وبشتغل والحمد لله اهلي ما بعرفو اني تركت التعليم ومفكرين اني بعدني بقدم امتحانات النهائية

 وصلت الى موقع العرب رسالة من شاب يطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

مرحبا للجميع، انا شب عمري 29 سنة من بلد من هلبلدان، انا ما بدي حلول وما بدي نصائح، انا بس بدي احكي وبدي افش اللي بقلبي، انا شب خلصت مدرسة ثانوية، اشتغلت وبديت اتعلم لحالي، تركت التعليم وكملت شغل جمعت مصاري وفتحت محل اكل ممتاز بمجمع ( كنيون)وبشتغل والحمد لله، اهلي ما بعرفو اني تركت التعليم ومفكرين اني بعدني بقدم امتحانات النهائية، ومش عارف شو احكيلهن، ما عندي صحاب، ما عندي قريب اللي احكيلو، ولا حدا بحبني، واللي بحكي معي بس لمصلحة ان كان صاحب ولا قريب، حتى اهلي مرات بحسهن هيك مع انهن ما بينولي بس هيك بحس،

حبيت بنت وخطبت، بس تبين انها طمعانة فيي، انا بشع وشكلي مش كل هالقد ما بنحب، ضلت تحكي انها بتحبني بس من بعد ما انا حكيتلها بس للاسف طلعت مش صادقة، حبيت كمان بنت وانا عارف اني بشع وما بنحب، لدرجة انو البنات ما بقربو حتى ليعرفو صفاتي، المهم خاطرت وحكيتلها، بس للاسف بالوقت اللي كانت بعلاقة مع واحد وتاركتو، واستغلتني بس لتقاهرو، واعترفتلي بعد علاقة سنة. فش عندي صحاب،  محداش بحكي معي،  تلفوني برنش ولا حدا بتصلي،  انا خلصصصصصصصصصصصصصصصص بدي اكمل حياتي لحالي،  بطلت اثق بحدا لا اهلي ولا قرايبي ولا حتى صحاب اذا في اصلن، والبنات....... مش اول واحد بضل عزابي.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي:alarab@alarab.net