كوووكووو وييين

ديك صوته حزيين

بعزف لناس نايميين

بسألهم صاحيين ولا ميتيين

مش سامعيني ليش من سنيين

هو أنا بنده على مين ولا ميين

ولا مش فاضيين وعاملين فيها مسؤوليين

جتكم ستين نيلة علي قولة اخوتنا المصريين

لازم نحكيها في البلدي ونسمع كل الفلسطينيين

مساكين وبصدقونا الغلابة وبنتظروا العروبيين

سمعوني ضحكة تملا الكون وخلو العدو يلف مرتيين

بكفينا صمت وخذلان ولا بس فرحانين تفتحوا رجليين

ما احنا هيك العرب بدنا قص ولصق ولحم ونسخ بوجهيين

وبسألوه ليش بتصيح في غير وقت وآوان وهو مش ليك انت يا ابو جناحيين

ولا فاكر نفسك صقر وبدك تطير وتحلق في سما متغيرة ومتلبدة في غمتيين

سموهم قادة فصيلين والشعب رايح ما بين فخديين وسلملي على النجمتيين

حوريات ما شاء الله واليسار لحق اليمين وصار خربيشة قلم وبطلب دولاريين

نفسي اعزمكم علي صحن فول وتوكلوا منه وتشبعوا وتقولوا خلاص منفوخيين

كرش مليان وعرق بتصبب من شعب فقران وعيفان قرف من عمل السلتطيين

والله زمان عن سلطانية السلطة وحكمها في غزة ومن بعدها قسمة بيضتيين

لليوم بتقاسموا فيهن واحنا بنفكر مين باضهن دجاجة عرجة ولا ديكيين

من ليبيا لليمن والعراق وفزاعة الارهاب اصبحت ثورة كبيرها غنمتيين

مين بدنا نذكر لنكون ناسيين فكروني بلاش يزعلوا مني اصدقاء اليقيين

بقلم كرم الشبطي