زرقاء اليمامة/ بقلم: سيمون عيلوطي

يا رايْحَه راس النَّبِع

وِمْشَبِّقَه

تا تُنشُري للنَّاس

صوت السَقْسَقَه

document.BridIframeBurst=true;

var _bos = _bos||[]; _bos.push({ "p": "Brid_26338945", "obj": {"id":"19338","width":"100%","height":"320"} });

وِتْطّيِّري مِ غْصونِك

كُلّ الكَنار

تَتْعَلِّمي هَالكون كيف

الزَّقْزَقَه

وْكيف راح تْكون

حالات الصَّفا

مْنَوْرِه مِثْل الشَّمِس

هَالمُشرِقَه

تْلَمْلِمي مِ الفَضا كَمْشِة

نُجوم

تِنْعَفيها في زَمَن

هَالطَّرطَقَه

بَلْكي بِتْشسلي غُيوم

مْلَبِّدِه

عا قَمَرنا مْسَكْرِه

وِمْطَربِقَه

غالْقَه لِدْروب

قُدَّام القُلوب

ما تِتْخّطَّى وَلا موجِةْ

شَقا!!

*

زرقا اليمامِه بِالشَّعِر

شو مْوَرِّقَه

طَلَّت عَلينا فَجْر

شالَت هَالعَتِم

شَكَّلَتْنــا فــــي حُروف

مْنَمَّقَه

بَهْجِه حِلْوِه هيك

عا قَدِّ الحِلِم

شالات بيضا بِالنُّجوم

مْعَرَّقَه

واقفِه عَ بْواب صَحوات

العِلِم

للنَّاس زَهَّرتــــي زَهرِةْ

زّنبَقَه!!

 

 

 

موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان:alarab@alarab.com