زجل الدنيا فالتِه بقلم اسماء طنوس المكر

 

سوء الادب والأخلاق ___ لا نِظـام ولا أُصـــول

خَرَّب كُلّ الأسـاسـات___ يا تُرى مينِ المسـؤول

____________________________

document.BridIframeBurst=true;

var _bos = _bos||[]; _bos.push({ "p": "Brid_26338945", "obj": {"id":"19338","width":"100%","height":"320"} });

والـوالـِـد مـانّـو قـادر ___ وإبنُه صار أقوى مِنّـو

كَأنّـو مانّـو حـاضِــر ___ وِاولادُه استَـغنـوا عَنّـو

إبنُه بَرّا البيت سـاهر___ مَـعَ الـزُّعــرانِ كِــنّـــو

صار البيت مانّوعامر___ والوالد عَنّـو مشغــول

____________________________

وِالجهـِل عَتَّـم البيـت ___ لا تَدبـيـر ولا حِـكــمِـه

وِالأُمِّ قاعدِه بهالبيـت ___ ما فيـها تِحـكي كِـلــمِـه

لَوْ ما خَلَّفتُه يا ريـت ___ قِــلبَـتْ حيـاتـي نَقــمِــه

خَلَّفِت بَس ما رِبّيت ___ طِلعوا اولادي بِلاعْقول

____________________________

وجُوَّا البيتِ عَواصِف___صْراخ وضَجِّه ليلِ نْهار

بِلا حُـبِّ وعَـواطِـف ___ شْوَيِّ شْوَيِّ عَم يِنـْهــار

وِالأبو ما بيـلاطِــف ___ جَــوُّ البـيـتِ مْـوَلِّـع نـار

والكُلّ ما حَدا عارف ___ كيف بَدّو يلاقي الِحْلول