مُوَشَّحات حَر الصيف وشَوباتُه

 

ما احلى القـعـدِه بِالفَيِّـه

بشهرِ حْزيران

ومَـعَــك قَـنّيــنِـة مَـيِّــه

document.BridIframeBurst=true;

var _bos = _bos||[]; _bos.push({ "p": "Brid_26338945", "obj": {"id":"19338","width":"100%","height":"320"} });

تْطَفّي النّـيران 

____________ 

وصحنِ البطّيخ قُدّامَك

بيِرتـاح البـال

بتـاكُــل مِنّـو بتِـتهَـنّى

بيروقِ الحال

لَوْ قاعد تَحتِ الشَّجره 

بيِحلى المَوّال

بتِنسى الحَم وشَوْباتُـه

وبِتروح نَعسان

_____________ 

لَوْ تَحت الدّاليه مْبَطَّح 

مَع النَّـسَمـات

النَّسمِه بِتْلامِس خَـدَّك

زَيِّ البَوْسات

برِقّـِتـها بِتـقــول بَـدَّك

زيدي القُبلات

بِتْـهَدّيلَـك أعـصـابَــك

بيِحلى المَكان