مُوَشّحات بدنا السّلام يداوي

بِدنا السّـلام يرَفـرِف 

ما بِدنا حَرب 

نَسمِة سلام تْهَفـهِـف 

لَمسِتها حُـب 

document.BridIframeBurst=true;

var _bos = _bos||[]; _bos.push({ "p": "Brid_26338945", "obj": {"id":"19338","width":"100%","height":"320"} });

____________ 

ما بِدنا اصواتِ تْدَوّي 

بصاروخ قتّال

بـِدنـا السّـلام يْــداوي 

وِيْروقِ الحال 

رَبّي وَحـدُه الِمْـداوي  

مْبَدِّل الِاحوال 

يْبَدِّل عُنـف وعَـداوِة 

بسَـلام الرَّب 

____________  

للرَّبِّ نَدعـو نْصَـلّي 

يِـرأَف ليـنـا 

يا حَرِب عَـنّا حِـلّي 

لا تْزورينـا 

روحي عَنّا لا تْخَلّي 

جُرحِك فينا 

ما مْـنِـقبَـلِـك تْـظَـلّي 

يأ وَجْهَ الرُّعب