زجل أفاعي بشريّة/ بقلم: أسماء طنوس

إحذَر منِ الأفاعي  إوْعَك تقَرِّب منها

هِيِّ عَدُوّ الإنسـان  خَدّاعَه لا تِأمَنْــها

***

document.BridIframeBurst=true;

var _bos = _bos||[]; _bos.push({ "p": "Brid_26338945", "obj": {"id":"19338","width":"100%","height":"320"} });

في أفاعي بَشَرِيِّة  حَسودِة بتِعمل تَعكير

كُل أهدافا الأذِيِّـة  بتِكرَهِ النّاجــح كْثــير

وكلاما بالسُّخرِيِّة وِبْعينا بِتشوفو صْغير

بِالحسد شو مَعْمِيّة  نصيحَة تِبعــد عنها

***

ما فيها جينات الخير بتُنشُر سَمّ بحكياتـا

بكلماتا بتلسـع الغيـر بتِبعث شَر بنظراتا

قِصَصها كُلّا تَزوير وِبتِكذِب بِرْوايــاتا

وِلْسانــا بَدّو تَقصير لا يفرِز سَمّا منــها

***

مخَبّايِه جُوّا الِجْحور  تَنها تدَبِّــر مَكـيدِة

وبتسبِّب للنّاسِ الجور  لَمّا بتُنشُر جريدِة

عُميان وما شافواالنّور قلوبهُم عن ألله بعيدِة

ياللّي عاشوا بالغُرور راح يدفعوا ثَمَنـها

المكر

 

موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان:alarab@alarab.net