في شفتي العاقل حكمة/ بقلم: أسماء طنوس

 

تأتي الحكمة منِ الإيمان_____ بنورِ الله السّاكن فيك

بالحكمِه لا يمكن تِنهان _____ ولا بيِقدر حـدا يِأذيـك

***

document.BridIframeBurst=true;

var _bos = _bos||[]; _bos.push({ "p": "Brid_26338945", "obj": {"id":"19338","width":"100%","height":"320"} });

بالحكمِه بتُضبُط نفسَك _____ بتتغلّــب عَالمشــاكــل

وبْتِتعامــل مع حِسَّــك _____ فِيّــو حَـــل المســائـــل

ما بيِقدر حدا يْمِـسَّــك _____ لا بيِـــقسى ولا يْجــادِل

لا بأفكــارُه بـيدِسَّـــك _____ ربَّك هُـوَّ اللّي حـاميــك

***

حكمِة ربَّك بتِغنيــك _____ هِيَّ الغِــــنى والحــــيــاه

في الصِّعابِ بِتقوّيك _____ بتـــلاقي فيــها النّـــجــاه

بالكرامِه بِتْخــلّيــك _____ حِلــمَــك فيـها راح تلقـــاه

للمراتـــب بِتْعلّيــك _____ وبيكون الرّبِّ راعيـــك

***

كِلمات العاقل حِكمِه _____ بيِخرجـها منِ شْفـــافُـــه

ما بيِجرح حدا بكلمِه_____ ربُّه ال حَبُّـه بيخـــافُـــه

قلبُه ما بيِعرف نقمِه _____ بيخــشى الله اللّي شايْفُــه

ياعاقل ما فيك عَتمِه _____ لأنُّـــه الربِّ مْـضَـوّيــك

 

المكر

موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان: alarab@alarab.net