كان ياما كان . . . كان في عيلة صغيرة-كلمات - ادهم سلوم

 

كان ياما كان  . . . كان في عيلة صغيرة

بتعيش بحرية وسلام . . . واحلاما ع قدا فقيرة

فجأه عليهن هجم . . . مارد مجرم رهيب

document.BridIframeBurst=true;

var _bos = _bos||[]; _bos.push({ "p": "Brid_26338945", "obj": {"id":"19338","width":"100%","height":"320"} });

منهن سرق بيتن . . . وامرهن هالأمر العجيب

 يا إما بيبقوا ببيتن . . . والمارد هوّي بيحكمهن

 يا إما عنه بيرحلوا . . . وبيتركوه للغريب

 لا جار عن جارُه سأل . . . لا من بعيد ولا قريب 

 واللي من العائلة إنقتل . . . واللي عن بَيته رَحل

  واللي  مثل  البطل  . . .  ما ترك بيته للغريب

مرقت سنة وبعدا سنة . . . ومرقو فوق السبعين

ولا الجيران إتدخّلوا . . . لا تجمّعوا ولا توحدوا

وبعده المارد عم يحكُم . . . هالعائلة اللي إسمها

                               فلسطين

كلمات - ادهم سلوم

#النكبة_الفلسطينية #1948