طَيَّرَت لِعْشوش| بقلم: سيمون عيلوطي

 

أيَّام عم تُمرُق

شو صِعبِه

حاسِس كإنّي

document.BridIframeBurst=true;

var _bos = _bos||[]; _bos.push({ "p": "Brid_26338945", "obj": {"id":"19338","width":"100%","height":"320"} });

عايِش بْغُربِه

مَحبوس لا طَلعَه

لا نَزْلِه

مِ الأسى

شو خايِف تْفِلِّي

تْغيبـي عَنِّي

مـــــا تِجي تْطُلِّــــــي

وْتِلْتِــهــــي

مــع بُـلْبُــل هَيْمان

نَسِّــاكي حُبِّي

بْأحلى ألحان ...

وِتْرَفْرِفي من فوق

هالأغصان، ...

تاريها غِنوِةْ بُلْبُل

الوَلهان

فيها بِسْحَر

روح الوِجدان

ناقِلها عَنِّي

بْغَفْلِةْ زّمان...

وْهَالزَّنبق لِمْعَرِّق

الفُستان

ماخدُه من زَهري

في البُستان...

فّزِّيتي بِدِّك تُفْجُري

في مَكْرُه بُركان ...

*

-صُرتي لَمَّا

طَيَّرَت لِعْشوش

وِتْفَرفَطَت

في حُبَّنا لِكْبوش

تْريدي نِرجَع مع بَعِض

خــــوش بــــــوش، ...

كَنُّه المَرار اللي مَرَق

راح بوش، ...

قلبي بْآخِر هالزَّمَن

هَواكي

ما يِقدَر يِحوش!!.

موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان:alarab@alarab.com