لَبَكِه..| بقلم: سيمون عيلوطي

يومِن شُفتِك

بين موسَمين

موسم بَهيج

وْموسم يِبكي

document.BridIframeBurst=true;

var _bos = _bos||[]; _bos.push({ "p": "Brid_26338945", "obj": {"id":"19338","width":"100%","height":"320"} });

انْقَسَم قلبي عا

شِعرين...

شِعر بِالفُصحَى

وْشِعر بِالمَحكي

بِتغَزَّلو فيكي لِثْنين

مَ فيش تَأ تَأه

وْلا بَلْكي

من غير مِ عْرِف

رايْحَه لَوين

ما تَركتِك لَوَحدِك

تَكِّه ...

التقينا بْزَمَن

فيه ليلين

ليل ليل

وْليل شو يِشكي

يا عَجيبِه جَمْعَت

قَمَرين

سَوا في السَّما

شِركِه

بِتْخانَقو ، بِيْعانو

المُرِّين

بِيْكَسِّرو الشَّمعات

وِالكَعكِه ...

بِفَيْضو هَالكيل

عا كيلين

فْ عيد ميلادِك

عِمْلو لَبْكِه

فوق روس العالَم

قامو البين

ما حَدا بِنجا

مِ الوعكه

بين حانا وْمانا

نَشَّفَت هَالعين

ما عادَت تْمَلِّي

بُركِه

وِتْقَسَّمَت لِبْلاد

عَ الجَّنْبين

ثلاث ارْباعها

بَطَّلَت مِلكي

صايِر أمشي عا

نارين

بَخابِط وَحدي

فْ هَالحَبْكِه..!!..

 

موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان:alarab@alarab.com