سحر بلاد الدَّانوب/ بقلم: سيمون عيلوطي

 

يا نَهْر (1)

يا جاري صوب النَّور

قلبي مَعاك يْدور

document.BridIframeBurst=true;

var _bos = _bos||[]; _bos.push({ "p": "Brid_26338945", "obj": {"id":"19338","width":"100%","height":"320"} });

بْلاد خلف بْلاد

عَمْ بِيْزور

خَلَّاني وَحدي عود

عَ بْلادي

قلبي هُناكا تاركو

مَسحور!!

***

مْوَشْحَه أطْرافو

فِ زْهور المَنثور

مْعمَّرَه عَ حْفافو

قْصور مِ البَلُّور ...

تْروج بين شْفافو

غِنوِةْ العَصفور

تِتْغنِّي في أوصافو

فَنَّانات الحور

تْعازِل أطيافو

حولو قلبي يْدور

يِبعَث للنَّاصرِه

أشواقي بِالبخُّور!!

***

"موزارت"

كَمَنجا تْماوَجَت

في وَتَر فيروز

"يا أنا" (2) تِنْعَف

مِثِل نُوَّار لوز

نَغْمات تِسْكِر هيك

قلب الكُل

سِحِر يجري في النَّغم

دَغْشِه بِيْطُل

بِفْنون جَمال ڤيينَّا

شو مبهور!!

1) يا نَهْر: المقصود نهر الدَّانوب.

2) يا أنا: يا أنا ويَّاك، أغنية لفيروز مأخوذة من لحن لموزارت.